賽前分析2

曼城半場和再追
賽程頻密吼準發維
今晚英超尾場,阿士東維拉主場迎戰曼城。「藍月亮」曼城賽事頻密,英足盃4強被淘汰出局後,今晚聯賽匆匆上陣,嚟緊周日又要應付英聯盃決賽,佢哋近5場聯賽作客4次半場打和,但最終都贏晒,絕對可以睇定嚟食,今場面對實力平庸嘅維拉,又可以照辦煮碗歎慢板,捧半場和。

(Now 621周四凌晨3時15分直播)

曼城面對連場大戰,雖然球隊傷停問題唔算嚴重,但主帥哥迪奧拿亦需要畀主力球員抖一抖;日前喺英足盃4強對車路士已經有多個位置進行輪換,最終輸波出局難免影響士氣,然而一眾主力獲得休息機會,對衝擊餘下嘅「3冠王」目標,仍然有正面幫助。

雖然曼城王牌奇雲迪布尼足踝受傷要休息1個月,但「儲滿血」嘅菲爾科頓、馬列斯及根度簡等都會喺今場聯賽回歸正選,球隊整體實力回升,由於周日仲有場對熱刺嘅英聯盃決賽,相信佢哋都會避重就輕。事實上,「藍月亮」實力凌駕於阿士東維拉之上,睇番佢哋近5場聯賽作客全勝,當中4次半場同對手打和,絕對係睇定嚟食。

維拉抖夠半場頂得住
阿士東維拉現時排第11位,冇乜降班壓力,數字上仍可一爭來屆歐洲賽席位,不過維拉自從英格蘭中場基亞利殊受傷後,成績時好時壞,今場唯一比曼城優勝之處,就係佢哋4月10日踢完作客對利物浦後,有11日時間休息,可以養尊處優應付曼城,預計可以頂得住半場,半場和有2.4倍諗得過。

已浏览: 319
滚动到顶部

主域名升级公告


https://goally.com

http://⇒加个S为⇒https://

注:windows XP 不支持https://,电脑请用 windows7 以上系统!